2014年7月16日 星期三

嗜甜成癮

跟女友對話,發現女性對食物的定義比較特別。
Jackie :你好唔掂呀,你睇下,你以後仲邊有說服力?(指住自己面上的大孖瘡)
我:唔戒口,走黎賴人!(我繼續睇電視)
Jackie :無喎,食得好清喎~(典型積犯的無辜聲線)
我:食咁多糖都叫清呀?(繼續睇電視)
Jackie :無食好耐啦!
我:仲話無,你剛才食咩呀,我對眼開咗光呀!
Jackie :我食朱古力喳喎, 朱古力邊係糖,朱古力係朱古力,糖係糖!(佢係認真)
我一向都以「必要的沉默」來應付知識及常識範圍內不可了解的事物,然而今次選擇尋找同伴支持。我把事件放上 facebook ,數分鐘內已有數十個回應,當我沾沾自喜觀看留言時,才發現:我錯了。
所有女士都支持 Jackie 的言論,接著 Jackie 以藐視我的眼光說:「朱古力唔係糖,根本就係常識。」之後還有留言說:「朱古力是生果,飯後果是很健康的」我不知悔過地回應 "????” ⋯⋯結果再次被秒殺:「朱古力是可可做的。」
這件事當然令我哭笑不得,但經我深切反省後,我明白 Jackie 不是奇行種,我才是奇行種。叫病人戒海鮮後,他們還會食魚生、魚柳、咸魚、螺頭⋯⋯「那是河鮮。」、「曬左咁耐都唔鮮啦!」經常收到這些答案,現在也開始認為是自己錯,或許身為一個入世的醫師,應先學懂現代人的思考模式和語言偽術,增強自己跟各人的溝通能力。
《素問》:
五味入口,藏於腸胃,味有所藏,以養五氣,氣和而生,津液相成,神乃自生。
多食鹹,則脈凝泣而變色;多食苦,則皮槁而毛拔;多食辛,則筋急而爪枯;多食酸,則肉胝出皺而唇揭;多食甘,則骨痛而髮落,此五味之所傷也。
五味酸、苦、甘、辛、咸,各有其用,適當食用,就能身體健康,但過多則會傷身。其中現在超標最多的,相信是甘,即甜味。
「甘入脾」適當食甜食可以令脾胃更好 ,所以過去的中醫總愛以麥芽糖來養脾胃,脾主升清主四肢,脾氣得充,短時間內已能令人精神爽利,四肢有力。
食過多則會傷脾,滋濕,傷腎傷骨,所以食過多甜的人,反而更易累,四肢更無力,而由於濕重,風濕,皮膚病患也更易發作,長久以後則腎虛脫髮。
香港人壓力大,都喜歡食甜品 relax 一下。「肝苦急,急食甘以緩之」壓力大、心情不佳、肝氣鬱結,吃點東西,特別甜食,令脾氣稍充,中氣一轉,肝鬱可暫時減少,短時間內稍為舒緩壓力,但治標不治本,甜食滋濕,長遠來說,只會越食越多,越來越易鬱結,就好像吸毒般。所以每次當有朋友說「工作作壓力太大,不吃不能」,我都總會勸他不要以食舒壓。
飲食很多時,只是心癮,特別是甜品。很多朋友都會有一餐零食餐,而最令我大開眼界的是白飯直接加糖果作餸,真係廚藝創意堪稱伙頭仔昆布真人版,人為咗食糖可以去到幾盡。眾朋友經常驚嘆,為何會有如此強大的生命力,居然能在這種飲食習慣生存下來。誇張嗎?不誇張,你我身邊都有不少此類珍品,只是程度上的分別。

沒有留言:

張貼留言